استخدمات غير متوقعة لـ سودو كريم Sudocrem

أول لما بنقول اسم "سودو كريم Sudocrem " مش بييجي في بالنا غير تسلخات حفاض الأطفال، والتغيير للطفل ودهان السودو كريم له، والحقيقة إن ده أهم استخدام للسودو كريم، لكن النهارده مامرز هتقولك على 5 استخدامات تانية ما تتوقعهياش لسودو كريم Sudocrem ، وهتلاقيها مفيدة وتستحق التجربة، ومامرز هيتكفل إنه هيوصلك  الكريم لحد باب بيتك وبتخفيض كمان

سودو كريم عازل للبشرة من صبغة الشعر

عادة صبغة الشعر لها تأثير سلبي على البشرة، في المناطق اللي بتحدد منابت الشعر وأطراف الوجه، وورا الودن والرقبة من ورا، ومهما حاولنا إننا نستخدم الصبغة بدون ما نخليها تلمس البشرة، لازم في مناطق بتتضرر، حتى لو ما حصلش حساسية لكن لون البشرة بيتغير بلون الصبغة وبتدي شكل مش لطيف، وهنا بيكون استخدام السودوكريم ممتاز، مش عشان فيه مادة معينة بتعزل، لكن عشان هو كريم تقيل وبيكون عازل حقيقي على البشرة، وده مش بناءًا على أبحاث طبية، لكنه معتمد على تجارب صالونات التجميل وبعض مؤثرات السوشال ميديا 

Sudocrem مهدئ للدغات وقرص الحشرات

واحدة من أهم استخدامات  Sudocrem هي انه مهدئ للدغات وفرص الحشرات وده بسبب الزنك الموجود في السودو كريم، واللي بيخلي القرصة ما تسيبش أثر على البشرة، والكريم نفسه بيشكل طبقة واقية على القرصة، فبيخليها ما تعديش بقية الجسم، وله تأثير مهدئ من ألم القرصة

سودو كريم مهدئ بعد إزالة الشعر بالشمع أو السويت

اللانولين وأكسيد الزنك  وكحول البنزيل، الـ 3 مواد دول بيدخلوا في تركيب السودوكريم، واللي بيشتغلوا على تهدئة الحرقان والاحمرار اللي بيحصلوا للبشرة، بعد إزالة شعر الجسم والوجه بالشمع أو السويت، لإنهم بيرطبوا البشرة وبيمنعوا احتقانها 

Sudocrem المساعدة في علاج الحروق والجروح

الزنك هو المكون الأساسي للسودو كريم، وده بيخليه فعّال جدًا في المساعدة على التئام الجروح والحروق، والكريم  نفسه بيعمل طبقة عازلة على الجرح أو الحرق، فبيحميه من الإصابة بالبكتيريا، وفي مركب كحول البنزيل في السودو كريم بيسكن الألم وبيساعد على تخدير الجرح، لكن بنفكرك إن لازم تستعمليه بعد استشارة طبيبك

تقليل الاحتكاك

وده بيحصل للرياضيين، أو للناس العاديين، وبيكون نتيجة احتكاك الجلد بالقماش مع الحركة والعرق، وده بيسبب تهيج واحمرار مع ألم في المكان المصاب، واستخدام السودوكريم بيكون قل ما يحصل الاحتكاك كوقاية، أو بعد ما يحصل كعلاج وعازل على البشرة

وتقدري تشتري السودوكريم بأحجامه المختلفة من هنا

https://www.mumerz.com/collections/banner-sudocrem/products/sudocrem-antiseptic-healing-cream-60-gm

https://www.mumerz.com/collections/banner-sudocrem/products/sudocrem-antiseptic-healing-cream-125-gm

https://www.mumerz.com/collections/banner-sudocrem/products/sudocrem-antiseptic-healing-cream-250-gm

: المصادر 

https://www.goodto.com/wellbeing/sudocrem-uses-105737 

Mumerz  هو أكبر متجر على الإنترنت لكل منتجات الأطفال والأمهات والرضع في مصر، المنتجات الأساسية والبسيطة كمان، خدمة توصيل سريعة وكمان متابعة بعد البيع. ممكن تأخدي فكره عن أهم عروض الشهر من هنا